අගහරු වෙත යවන ලද නාසා මාර්ස් කියුරියෝසිටි යානය මගින් එවන ලද අගහරු වායුගෝලය පිළිබඳ දත්ත මගින් එහි සංයුතියෙන් ඉහළ ප්රතිශතයක් අඩංගු වන්නේ කාබන්ඩයොක්සයිඞ් මගින් බව තහවුරු වී තිබේ. දැනට අගහරු ග්රහයා වෙත යැවූ දියුණුතම යානය විසින් එවන ලද පර්යේෂණ දත්ත 70 දශකයේ අගභාගයේදී වයිකිං යානා මගින් අනාවරණය කළ දත්ත සහ පෘථිවිය වෙතට පතිතවූ අගහරු උල්කා පිළිබඳ කළ පර්යේෂණ ප්රතිඵල සමග ආසන්නව සමාන බව මෙමගින් හෙළිවී ඇත.
කෙසේවෙතත් වයිකිං යානය විසින් වායුගෝලීය සංයුතිය දෙවන සථානය හිමිකර දුන් නයිට්රජන් වායුව වෙනුවට කියුරියෝසිටි අනාවරණය කර ඇත්තේ නයිට්රජන් හා සමාන ප්රමාණයකින් ආගන් වායුවද අඩංගු බවයි.
මෙය සුවිශේෂී තොරතුරක් බව දක්වන නාසා ආයතනයේ ගොඩාඞ් අභ්යවකාශ යානා ආයතනයේ පෝල් මහාෆි එසේවුවත් අ`ගහරු වායුගෝලය අභ්යවකාශය විසින් උරාගෙන ඇතැයි දැනට පිළිගන්නා මතය මේ හරහා අභියෝගයට ලක් නොවන බව පවසා තිබේ.
මේ අතර වසර ගණනාවකට පෙර පෘථිවි දුරේක්ෂයන් මගින් ග්රහයාගේ ස්ථාන 3කින් මෙතේන් වායුව අධික ප්රමාණවලින් නිකුත් වන බව නිරීක්ෂණය කර තිබුණද වත්මන් ප්රතිඵල මගින් එය තහවුරු වී නොමැත.
ෂාප් කන්ද වෙත ගමනේදී කියුරියෝසිටි මෙහෙයුම මේ පිළිබඳව සොයා බැලීමට නියමිත අතර යානයේ මෙවන් රෝවරය විසින් දිගින් දිගටම වායුගෝලය පිළිබඳ කරුණු විශ්ලේෂණය කරමින් අගහරු ග්රහයාගේ වායුගෝලයට සිදුවූ දේ සම්බන්ධ විද්යාත්මක සාධක රැුස් කරනු ඇති බව මෙහෙයුමේ ප්රධාන විද්යාඥ කොලරාඩෝ විශ්වවිද්යාලයේ බෲස් ජාකොස්කි සඳහන් කර තිබේ.
0 comments:
Post a Comment
යාලුවනේ ඔයාලගේ Comment මට හුගක් වටිනවා ඔයාලාගේ Comment එක මට ඉදිරියට යන්න හුගක් වටිනවා